Emission soninkée animée par le poéte Thierno Tandia!

[Cheikhna Mouhamed WAGUE]

c'était le 14 novembre à l'espace Renaudi à Aubervilliers, à cette occasion a rencontrer les acteurs de ce partenariat devenue une référence dans les annales de la coopération décentralisée. Rendez sur KASSATAYA, écoutez les boulliens sur duugu deege à partir de 20h30 heure de paris 19h30gmt

Thierna Tandia!

[Fodyé Cissé]

Dimanche 31 janvier 2010 à partir de 20h30 heure de paris duugu deege sur KASSATAYA et autour d'un thé à la menthe reçoit samba traoré, cheikhna mohamed wagué et abdoulaye diagana sur le thème de la recheche: de la formulation de la problématique à la validation des résultats.
portez vous bien
na kiyen xeerin gabo
thierno

[walibanna]

Bonjour,
Grace au talentueux Thierno, nous sommes gatés tous les dimanches. le soninkaaxu n'a aucun secret pour lui, et il nous fait voyager dans le temps et l'espace.
Nous ne cesserons de le remercier et lui souhaitons longue vie.

Personnellement, meme dans les réunions, il nous épate par sa vision des choses. Les jeunes ont beaucoup à apprendre avec lui.

Merci encore mon cher Thierno

[Cheikhna Mouhamed WAGUE]

Bonjour,
Grace au talentueux Thierno, nous sommes gatés tous les dimanches. le soninkaaxu n'a aucun secret pour lui, et il nous fait voyager dans le temps et l'espace.
Nous ne cesserons de le remercier et lui souhaitons longue vie.

Personnellement, meme dans les réunions, il nous épate par sa vision des choses. Les jeunes ont beaucoup à apprendre avec lui.

Merci encore mon cher Thierno

Walibanna, tu as tout dit. L'oncle Thierno est un philosophe quoi. Il a l'art de parler et de convaincre avec des exemples précis et concrets et une connaissance bien assimilée de la culture soninkée.

[Fodyé Cissé]

Aliou Kissima TANDIA
poésie orale soninké et éducation traditionnelle
publié avec le concours de l'unesco
les nouvelles éditions africaines du sénégal

dimanche 7 février 2010 à partir de 20h30 heure de paris ou 19h30 gmt, duugu deege sur KASSATAYA reçoit aliou kissima tandia, auteur de poésie orale soninké et éducation traditionnelle, et fut également responsable de la cellule d'appui à l'alphabétisation et à la post-alpha du Centre d'Echanges et de Formation Pratique. cette expérience a été marquée par une mention d'honneur du prix Noma de l'alphabétisation de l'Unesco. particperont à cette émission samba troré, abdoulaye diagana et El hadj Ndiaye dit Gueleynou animateur de référence de la radio la voix de l'aps, un acteur non des moindres de ce programme d'alphabétisation, qui maintient le flambeau de la transcription du sooninke en france aujourd'hui.

pour écouter duugu deege sur KASSATAYA, cliquer sur écouter la radio
ou bien envoyer une invitation par skype notre pseudo c'est KASSATAYA, en ce moment moment déconnecter la radio.

na kiyen xeerin gabo
ceerno koone

[Fodyé Cissé]

Quand les voies de l’immigration menent à la recherche de soi, l’ecriture ne devient-elle pas confrontation ? Duugu deege reçoit Mody Bathily, membre fondateur du Centre de Recherche et d’Enseignement du Sooninke (CRES), qu’en est-il aujourd’hui des résultats du CRES ?
Ce sera ce dimanche 14 novembre 2010 à partir de 19h heures de Paris sur www. Kassataya.com
Ecouter duugu deege sur www.kassataya.com
Xa nawaari
Ceerno Koone

[Fodyé Cissé]

Le mouvement Émergence peut-il constituer une alternative pour le positionnement d’une certaine génération qui ne se revendique ni de droite ou de gauche et moins du centre. Comment le placer sur la frise séquentielle des familles politiques au grè des idéologies qui ont façonné le paysage politique français ? La banlieue, enjeu, terreau fertile d’expansion mais aussi d’étouffement n’est elle pas le laboratoire d’où émergeront une vision corrigée de l’attitude politique ? pour aborder ces questions duugu deege sur www.kassataya.com reçoit Almamy Kanouté leader du mouvement Emergence. Ce sera dimanche 12 décembre 2010 à partir de 19h, heure de Paris
Cerrno Koone

[Cheikhna Mouhamed WAGUE]

Voici un résumé de Thierno Tandia à la suite de l'émission qu'il a réalisée en compagnie de notre frère Almamy Kanouté :

sinmawu : duugu deege recevait le 12 décembre almamy kanouté leader de la mouvance resurgence, duugu deege recevait ablaye bocar diagana le 26 décembre sur les chroniques islamiques (hejir et achoura) ainsi que le témoignage de diko hanoune sur les arrestations des anti-esclavagistes de l'IRA en mauritanie.

O sinmawu

On kahin kan di, on kahi kundan di, on kahi deben di, on kahi maran di, on kahi jamaanen di, ken kappe ma kun kappu saqa mani ho kanma ? Kagumen da mukkun yanqandi, debigumen da mukkun yanqandi, jamangumen da mukkun yanqandi, i da a saxu mani ho kanma ? Siroyen ya ni kundun ƞa ma mukke daronden ya ni ma homuurimoxon ya ni ? Kappe a moxon man gaben yani. Soron na kahi I na jaagundikonpen taaxundi, a wa a di. Soron na kahi i na xoodakatihedden siginde, a wa a di. Soron na kahi geesundin-hedden sigindi kuudo I ga katono deben geesunu, kuudo I katono maran geesunu, kuudo I ga katono jamaanen geesunu. Haadama jaagunden sigi, jaatiginu yere, I raawa ñaana mukku dingira tana. Sere, haadamarenme, o ga ni teraanon ya, o kaanu ku na o yinmun ya, an ga na daga raxen be, a ga gemun an ƞa, an kugu ti soxoodu, an wa sagallen tugana, an renmun do jaatiginun su ñero jamaanen marekillun di. I da sahayun wutu, kure ga na giri, I wa kurallenmon di, wattun xatande, I wa kahini jaaraandaaon ƞa, yinbibuyan ga na ro, I wa faabandini. A ga na liƞo, a wa su da, a ga na bono a wa su da. Ken ya na on ña doome liƞondini.

Ñiiñannoore ke taxuraxon nan gaba, taaxumoxonun nan gaba, nuqunu ku xa taaxaano gabun na ken moxo ya. Riyaanon do taaxaano. Taaxaanaxasun do taaxaanakurunbo. Jaatiginun do mukku. Riyaanakurunbo. Ku ga menu marana yaaxen be, ken senbene dingiran marekillun ya maxa gelli geesunden marandikittun di. A wa konini, nan ti “an ga nta geesundini, I nan geesunu ya”. Biren be seren ke yinme gan raawa sikki a ga I ñanmoxon sirondi, a ga I biremoxon gemundini, ken seren ña geesundaanan ƞa. A siren ya ni, seren ga taaxun ñiinen be di maxa du toxo honkaaran ƞa, a digaamen ga na giri an na du toxo ti an ken digaame heti. Ken ya ni saadon ga na taxandi, an ga nta taxandindi beran ƞa, yogo na I xallen do an xallen do wondi xallen wutu, a na toxo an ken da kittiñoomiyen ƞa. On golli, on golli ti haqillen ƞa, o golli ti sooben ƞa, o golli ti soninden ƞa.

Ke be ga da o wara ku sinmawu, o sinmayen ga tunni gesuunden danqanaaxu, tonƞu ma gaare, geesen ga da ke be kutu ken geesundini ya de, ken geesundini ya ta, ma haraaxuyen ga na ña. O ri Faransi ya, ku ña faransikon ƞa, ku saare Faransi, I kun ni faransikon ya. Yitten na I ñiimun do I gingun do I derun ya maxa. Ken ya ni lenki, o ga lahi fahaamuyen kitana lemunun maxa faransikon ga ni, xanuyun ga I maxa katta ñeroyen do meratuye, geesunden do sunpaaxun di. Baawo jamaane be ga xo Faransi, killu ku su wa a di, teye do teyiteyinne, nooge do nooginooginte, naxaanen do I teyen do I nooge, ken danben gaben ya ni. O da o jonkoyi Alimaami Kanute, a banganten ga ni kappo di “émergence” ma o na ti bangaye. O wa munda na a tu i ga bange ti mani ya ? i ga bange ti kille ma killu be ya ? ken kuna Alimaami bisimilla.
Maasi deesanburu 12, 2010
Ceerno koone


O sinmawu

Gine, toorikurunban taaxu, Senegaali hatanbinnaaxu wulliyen da me ñi Ndakaaru, Koddiwaara yinmanken sugandinden hillinke, a ña xootiyen ƞa, Moritani xa noxon ƞa, I da faasandaanon raga, hadamarenmen haqen haasandaanon raga. Ku hiinu su ña Afiriika kin-xenna ke ya di. O na dutirindi, manni Gine sugandinden ga kato dangini, hari a ga na a ñi xotoyen ga ña moxo siri? Geesunden newoyen do a xoton na kaananken ya maxa ma yinmankon ya maxa, maxa senbexenxenten ya maxa? Ndakaaru, man da Ndakaaru siiti hatanbinnaaxu wulliye, ma xa man da hatanbinnaaxu wulliyen siiti Ndakaaru? Lenki hatanbinnaaxu ga kende ti yugusirun ƞa, ti jaman-xooron ƞa, ti finjonƞun ƞa, ken wase taagumasu, ken da o baga xirinde. Yo hatanbinnun ga na me xiri, I ga ñimi me ya, o da sinma ken nta hoho bonondini, ken siren ya ni. Na mexanta, na meñi, na metu, a siren ya ni, a siri siren ya ni. Harini na ken dallandi.

Na yimanken sugandi a siren ya ni. Na yimanken sugandi o jamaanu ku di, a siren ya ni, xa golli xote. O nan sugandindi ti wariyaaxo, on sugandindi ti wasandikillu, on sugandindi ti dagayikaane medaronden kanma. Ken ya ni sugandinden ña ti sirondondinden ya, xa memukken ga ma ña a wa bonondindini. Yo o ga na Gine Konakri haayi, Sellu Dala Jallo ga duƞe Alfa Konde da, haqilaxooraaxun yan sigi, baawo a gan balla kame taagumanse wa maxa, ke ga yillakarana ke be Alla baane ya na a tu. Sere baane wa kisindini, sere baane wa bonondini. Yo Koddiwaara ken wa ken noxon di, hari na muro ña I da, bone xoqen gillen ya ni, a joƞaarun nta xoto xo a ñemera. Hari na xeeri ña a su da.

Moritani, I da Biraam Uld Dah Uld Abeyid raga, a ga IRA yinmakaaxu, a do Etmaan Uld Bijel (ida ken wara), a do Bala Abudu Tuure, a do Jibi So, a do Mulud Uld Buubi. Ke be ga sigi ragande ke, a kite ya leminan-yaxaru Salma Mint Ahmed Kuwari a ga siino 9 a do Um El Id Mint Salem Tayivuur a ga siino 13, i ga ñi xidimaaxun ƞa Munniin Mint Bekkaar Vaal maxa goliñaana ga ni Moritani Manakunmi Xooren ƞa. IRA soron da ku lemunun xidimande ke ya kuta ma a ga ñaana mekatunden ƞa, Biraam do I heddallenmon I da I raga, ma I ga ri I kiiti, Munniina koroosinden tongen wa do a ya na toxo a ga da leminan-roxon xidimandi killi xase ke di, ken kabanten ga ni. Ke be kabaten ga ni, ken nan ware, ke be daganten ga ni ken nan sigi. O na haadama haqen sigindi, o na haadamarenmen haqen sigindi, o na dango ro kiite killun ƞa, o su gollen ya ni, o su sikken ya ni, xa labon nta dukutunu. O wa tini ku benu ga sigi do haadamarenmun haasande I na I wara, sehallenmaaxun nan ro, o na me haqun tanga. Yelli haadamarenmen haasandaanon hanqen ga na kende.
Ceerno Koone
Maasi deesanburu 26, 2010

[Fodyé Cissé]

Duugu deege sur kassataya.com reçoit le Professeur Agrégé Mouhamadou B. Diagana en ses qualités de chercheur, de Chef de Service de neurologie au Centre Neuropsychiatrique de Nouakchott, de Président de la Ligue mauritanienne de lutte contre l’épilepsie mais aussi de sa participation au réseau actif d’intervention auprès des populations comme par exemple les journées médicales de l’IJGA. Et ce pour aider à comprendre les dédales qui permettent d’aboutir à ce couronement mais aussi les difficultés du métier. Ce sera ce dimanche 9 janvier 2011 à partir de 19h heure de paris (18h gmt).
Ecouter duugu deege sur kassataya.com
Ceerno koone

[Cheikhna Mouhamed WAGUE]

Un résumé de Thierno Tandia

O sinmawu

O na leminen rondi xaranƞun di, o na a rondi moodi xaranƞun di, a ñi o maxa, a wa o maxa hari sa, kuudo nan kato salli sooron do bati moxonun tuunu, ken do ñanmoxo dagante. Ke xaranƞe ga na laato a ga juho, jagandun ga ña, o wa jikki ken xarallenma raawa ñaana xaranƞundaana (ma o na ti xaranmoxo), o wa jikki ken xarallenma raawa ñaana kiitikutaana (kiitaana), o wa jikki ken xarallenma raawa ñaana alimaaami. Kaara tana birayen jaagunden sigi tuwaaxunun ga kugu, wulliyun ga da me kita yaaxe tana. Diinan-xaranƞen ma wase, xarankurunbon da killi kurunbon bagandi i ga haqilen jabandini moxo tana, i ga killikurunbon sagana kuudo soron biremoxon ga tallan sirono katta ñanmoxonu ku moxon maanun su ya. Yo tuwaaxun wa danmaaxun maxa gelli o ga na a wutu ti loogontaaxu : xo o ga na duwara jaaranden killen ƞa : jaarandaana. Ken moxo baane ya ni tuwaaxun wa kaariyen maxa gelli o ga na wutu ti xerexerenden killen ƞa : yaaxanjaarandaana ma ñiimijaarandana. Yo, manni ñiime? Ken ni ñiime ke be o ga terinkana, xo karo, ma ken ni ñiime ke be ga fuutundini gelli i ga na ho ña an sere tinten ƞa ? Ma ke ñiime yonkin ñaana a ya, a ga biraye maxa, a ga xooroye maxa, a ga watte do saha maxa? ma xa ku ñiimu su wa mewalla ?

O wa a tu horonkillun wa a di, hore ke yinnme taaxan ga ni sondome. O wa a tu yonkirankillun wa a di, hankabiranto ti yonkirakillu, kun killu taaxan ga ni furutu. Ken moxo ya ni, o ga ti ñiimu. Ñiimu ku xa killun siginton ya ni xo yonkirankillu, ma xo horonkillu ku moxo, I ga da haten kuura gelli yin-xotte ma tandoronmu. Kitte ke karanten ya ni, ta ke karanten ya ni, a wure ya ni ñiimu ku furaaxu ma i wati. Ñiime ke ya na senben sanqini haten di, o na kato muroyen do tewoyen hatana me ya, o na kato ho salaqen do kasappen bakka me wure, o na sinme, ken do I me, do I me, do I me. Ñiimu ku taaxan wa lullan do lenburusenbe maxa, hallin-xotte. Ñiimu ku xa taxadinton ya ni gelli ñiimi xooro, ma naxando katta yaaxabaano. Ñiimiyaaxabaane a ya ni ñiimen bekken ƞa. Gelli lenga ma birayen di leebun raawa lulla ma lenburusenben kitana. O na ken tuunu kanmoxo? Ken jaare kanmoxo?

Kuudo o na jaabu kita ku tirindindu o da o jon koyi Xaranmoxo Mouhamadou Bookari Jagana, jaarandaanan xirise gelli Nuwaasotu lullanjaaradinka katta ñiimin-wattun ƞa, muurundaanan ya ni, a wa hedden yinmankaaxu katta xennen watten xatande. A wa kahini jaarandaano I ga da kooton jaarandun dabari kuudo I ga soro jaarana xafu I debun do I kaanun di. O xaninton wa wasandun ƞa o ga fahaamuyu kitana katta ku wattu. Ku wattu saharun ga I ya xa o gan nta gaba telle katta I kiteran ƞa. Ken kuna Xaranmoxo Mouhamadou Bookari Jagana bisimilla, o terinkaanon wa a terinkana, an raawa I kuuñi.

Maasi sanwiye 9 siine 2011
Ceerno koone