Jaabi Duwa ti manne sooninkan suuge noxo?

" FAABAN DANBE''

* O NA ME DEEMA *

'' Xa d'in deema o su na me mugu xanne fi gemunte ''

'' Xa d'in faaba de o su na me mugu baane fi gemunte''

'' Xoro nan sinme de, O su na me mugu xanne fi gemunte''

'' Saara yugu jama xor'o na me mugu xanne''

'' Saara yaxaru jama, O su na me mugu kaane fi gemunte''

'' O na me deema O su na me mugu baane fi gemunte''

'' O na me deema o su na me mugu xanne fi gemunte''

'' Faagi sanku, O yinme sefen faagi sank'o yi''

''Faagi sanku de , O yinme digaame ngi sanku''

''Laadan sanku O yinme laada ngi sanku''

'' I wo maxan lenmuccu, lenmun ku be gi saare tunŋa ŋa''

'' I wo maxan lenmuccu, lenmun ku be gi saare gunnen ŋa''

'' Lenme tono ni manne? Lenyugunne nafa ni manne?

'' Lenme nafa ni manne? Lenyaxare tono ni manne?

'' An n'an duutu, an n'an paaba danbe tu - figemunte-

'' An n'an duutu an n'an maa xa danbe tu- figemunte''

'' An n'an duutu, an n'an sunpun haqen tu- figemunte''

'' An n'an duutu an na xirisun haqen tu - figemunte''

'' Xa 'in deema de o su na me mugu xanne - fi gemunte''

'' Eee.. Saara yugu jama, ado Saara yaxaru jama''

'' Xor'o n terinke sefen xoten ya ni...''

'' O d'o maani sorogo gelli tugunnaaxun ŋa''

'' N'o faabani sorogo gelli tugunaaxun ŋa''

'' Nan saage nan li gunne saaxa soronbe''

'' Lenmun w'o maxa gunnen wa, lenmun w'o maxa kaanin ŋa''

'' O n'o renmun kanda o n'o renmu nyamari''

'' Sere su gaa du diina w'an ŋa''

'' Sere su gaa du laada w'an ŋa''

'' Xa d'in deema o su na me mugu xanne - figemunte''

'' O na me deema o su na me mugu xanne - figemunte''

'' Saara yugu jama xoro na me mugu xanne''

'' Saara yaxaru jama o su na me mugu baane''

'' Faagi sanku, O yinme sefen faagi sank'o yi''

'' Faagi sanku de , O yinme digaamen gi sanku''

'' Laadan sanku O yinme laada ngi sanku''

'' I wo maxan lenmuccu, lenmun ku be gi saare tuŋa ŋa''

'' I wo maxan lenmuccu, lenmun ku be gi saare gunnen ŋa''

''Lenme tono ni manne? Lenyugunne nafa ni manne?

'' Lenme nafa ni manne? Lenyaxare tono ni manne?

'' An n'an duutu, an n'an paaba danbe tu - figemunte-

'' An n'an duu tu an n'an maa xa danbe tu- figemunte''

'' An n'an duutu, an n'an sunpun haqen tu- figemunte''

'' An n'an duu tu an na xirisun haqen tu - figemunte''

'' Xa 'in deema de xoro na me mugu baane fi gemunte''

'' O na me deema o su na me mugu xanne - fi gemunte''

'' Xa d'in paaba o su na me mugu xannne - figemunte''

'' O na me deema o su na me mugu xannne - fi gemunte''

'' Xa d'in deema xoro na me mugu baane - figemunte''

'' O na me deema o su na me mugu xannne - figemunte''

'' Xa d'in paaba o su na me mugu xanne - figemunte''

'' O na me deema o su na me mugu xanne - figemunte''

'' Xa d'in deema xoro o su na me mugu baane - figemunte''

'' O na me deema o su na me mugu baane - figemunte''

'' N ŋa telle xara Nŋa telle sanga ''

'' Tuwaano nan gaba x'i nta baana ''

'' Eee.. Tuwaano nan gaba, i nta baana ''

'' N ŋa telle xara Nŋa telle yaala ''

'' Ee.. Tuwaano nan gaba x'i nta baana ''

'' Ndo lemene n gemu kille ''

'' Ndo xaralanma gemu kille ''

'' Ndo Taaliben gemu kille kille ''

'' Ndo Taaliba lenmen gemu kille ''

'' Nti lemine ; an telle minna ? ''

'' Nti xaralanma ; an bakka minna ? ''

'' Nti taalibe ; an telle minna ? ''

'' Nti taaliba lenme; an telle minna? ''

'' A t'i telle moyisin ya ''

'' Moyisin xosa ña xusunkonpe ''

'' Nŋa telle xara N telle sanga ''

'' Tuwaano nan gaba i nta baana ''

'' T'in ŋa telle xara Nŋa telle yaala ''

'' Tuwaano nan gaba i nta baana ''

'' Eee... Tuwaano nan gaba i nta baana ''

'' Xuraane kama Asa faaba ''

'' Xuraane kama Asa sanbi faaba, Sanbi Musa faaba ''

'' Tuwaaxun do barike Haawa faaba ''

'' Tuwaaxun do barike Haawa Sanbi Musa ''

'' O t'a dan kore sidiganke, Silla hooroñamante''

'' Eee... Tuwaano nan gaba i nta baana ''

'' Moodi ndo gundo, Jinme jaaxo ndo hayibara jaaxo ''

'' Moodi ndo jabaru ''

'' Mañaame ga di kitaaben kanma xara''

'' Nan saage n'a noxon xa tu nan kur'a kanma''

'' Eee... Tuwaano nan gaba i nta baana ''

'' Kaŋen xalibe Maasire jagana ''

'' Goden xalibe Maakunyanji renme Maasire jagana ''

'' Moodi ndo soobe... Jagana manga renme ''

'' Deena ndo battu xirisun kori kuuñiinda abada bada''

'' Eee... Tuwaano nan gaba i nta baana ''

'' Nke wa telle xara Nŋa telle sanga ''

'' Tuwaano nan gaba i nta baana ''

'' T'in ŋa telle xara Nŋa telle yaala ''

'' Tuwaano nan gaba i nta baana ''

'' Ndo lemene n gemu kille ''

'' Ndo xaralanma gemu kille ''

'' Ndo Taaliben gemu kille kille ''

'' Ndo Taaliba lenmen gemu kille ''

'' Nti lemine ; an telle minna ? ''

'' Nti xaralanma ; an telle minna ? ''

'' Nti taalibe ; an telle minna ? ''

'' Nti taaliba lenme; an bakka minna? ''

'' A t'i telle moyisin ya ''

'' Moyisin xosa ña xusunkonpe ''

'' Eee... Tuwaano nan gaba i nta baana ''

'' Eee... Tuwaano nan gaba i nta baana ''

'' Iyee... Tuwaano nan gaba i nta baana ''

'' Iyee... Tuwaano nan gaba i nta baana ''

''A ti soro xor'o n muñi''

''Muñun falle ni xeeri ya''

''Ko ni jama xor'o n muñi''

''Muñun falle ni jemu ya''

''Afiriki yugu, xor'o n muñi''

''Afiriki yaxaru, xor'o n muñi''

''Eh, Saasen ga d'in sufa''

''Jaban saasen ga d'in sufa''

''Ati; manen ga d'in kutu''

''Ñenekon manen ga d'in kutu''

''Ko ni jama xor'o n muñi''

''Muñun falle ni jemu ya''

''Ko ni soro xor'o n muñi''

''Muñun falle ni xeeri ya''

''Eh; Muñu - muñun siren ya ni''

''Muñun siren ya ni - Muñun siren ya ni''

''Muñunte ya ni Nan yeere xanma galle noxon ŋa''

''Jamangunmaaxu tonon ni manne? An nan muñi ya de''

''Tunkanyugaaxun nafa? An nan muñi''

''Yaxalenmon pilli tono ni manne? xa na me doro''

''Lenme nd'i saaranon pilli; An nan kanu''

''Xor'o n duŋe me danŋa, kafo naa daga kaane yugu jama''

'' Ati jama ; xor'o n muñi''

''Muñun falle ni Xeeri ya''

''O nan sabari o nan duŋe''

''Muñun falle na xeeri ya''

''Ko ni soro xor'o n muñi''

''Muñun falle ni jemu ya''

''O nan sabari o nan duŋe''

''Muñun falle na xeeri ya''

''Afiriki yugu, xor'o n muñi''

''Afiriki yaxaru, xor'o n muñi''

''Eh, Saasen ga d'in sufa''

''Eh, Lentugunnaaxu na fo xote''

''Jaban saasen ga d'in sufa''

''Eh, Lentugunnaaxu na fo xote''

''Ati; manen ga d'in kutu''

''Eh, Lentugunnaaxu na fo fo xote''

''Ñenekon manen ga d'in kutu''

''Eh,Lentugunnaaxu na fo xote ya''

''Ko ni soro xor'o n muñi''

''Muñun falle ni xeeri ya''

''O nan sabari o nan duŋe''

''Muñun falle ni xeeri ya''

''Ko ni jama xor'o n muñi''

''Muñun falle ni jemu ya''

''O nan sabari o nan duŋe''

''Muñun falle ni xeeri ya''

''Ko ni soro xor'o n muñi''

''Muñun falle ni xeeri ya''

''O nan sabari o nan duŋe''

''Muñun falle ni xeeri ya''

''Ko ni jama xor'o n muñi''

''Muñun falle ni jemu ya''

''O nan sabari o nan duŋe''

''Muñun falle ni xeeri ya''

Afiriki renmu fiini filli kun ŋa du nafan t'i ya !

Afiriki renmu fiini filli kun ŋa du tonon t'i ya !

O n maxa me keri !

Soro nan maxa me keri !

O n maxa me keri !

Senbe yugu nan maxa me keri !

O n maxa me feyi !

Hooro yugu nan maxa me feyi !

O n maxa me feyi !

O n maxa me naaburun wutu !

O n maxa me feyi !

Nan maxa me kaanin kara !

Nafan t'i ya !

Afiriki renmu fiini filli kun ŋa d'o ya nafan t'i ya !

Gajanŋe ma ňa ...

Militeeri gajanŋen ma ňa !

Gajanŋen ma ňa ...

Polotikin gajanŋe ma ňa !

Nafan ta yi dee !!!

Gajanŋe ma ňa ...

Taaxalen gajanŋe ma ňa !

An n'an xanan keri !

An n'an sunpu siren keri !

Nafan ta yi dee !!!

An n'an aaxin keri !

An na seri siren keri ; Xafun kanma !

Wallaahi o su ni baane*

Maali renme Muritaane Senegaali renme !

O ya ni saaxe faabe ; Senegaali Ganbi renme Lajiine renme !

Manna n'o walla me ya?

Gaaran binni gotte falle ; Xafun kanma !!!

Afiriiki Renmu *

Fiini filli kun ŋa du tonon t'i ya !

Afiriiki Renmu *

Fiini sikki kun ŋa du ya tonon t'i ya !

Afiriiki Renmu Fiini filli kun ŋa du ya nafan t'i ya !

O n maxa me kari !

Soro nan maxa me kari !

O n maxa me kari !

Senbe yugu nan maxa me kari !

O n maxa me feyi !

Hooro yugu nan maxa me feyi !

O n maxa me feyi !

O n maxa me naaburun wutu !

O n maxa me feyi !

Nan maxa me kaanin kara !

Gajanŋe ma ňa ...

Militeerin gajanŋe ma ňa !

Gajanŋe ma ňa ...

Polotikin gajanŋe ma ňa !

Nafan ta yi dee !!!

Gajanŋe ma ňa ...

Taaxalen gajanŋe ma ňa !

An n'an xanan keri !

An n'an aaxi siren keri !

Nafan ta yi dee !!!

An n'an xanan keri !

M'an na seri siren keri ?

Xafun kanma !!!

Afiriiki Renmu: Fiini filli kun ŋa du ya tonon t'i ya !

Afiriiki Renmu !!!!!!!

Koriyé koriyé * Korin ma ňa !

Koriyé koriyé * Korin bure ni !

Kori Kori * Xa d'in deema yi fonne !

Korin bure ni !

Koriyé koriyé * Korin ma ňa !

Xa d'in deema ti fonne !

Korin bure ni !

Korin do manne ni doome ?

Korin ma ňa !

A do diminan ŋa doome !

Korin do manne ni doome?

A do yaaxanlon ŋa doome !

Korin do yaagu xooren ŋa doome !

Korin ma ňa !

Xa senbé nta komé da !

Xa feera nta komé da !

Korin ma ňa !

M'a ga nta Allah falle !

Allah wasé komé danŋa jikké !

Faaren wasé komen danŋa jikké !

Koriye , Koriye , Korin ma ňa !

Koriye , Koriye , Korin bure ni !

Kori Kori *

Xa d'in deema ti fonne !

Korin bure ni !

Koriyé , Koriyé , Korin ma ňa !

Koriyé , Koriyé , Korin bure ni !

Kori kori *

Xa d'in deema yi fonne !

Korin buré ni !

I yee! N maarenmu jamaah duna !

O na korinton deema !

O na misikiinon deema fonlanmaane !

Korintaaxun saaxan danbé fé !

Misikinaaxu faaban danbé fé !

Watti buré gajanlenma ni Allah ya !

O n'i deema duna !

O na fiinu newondi me danŋa fonné !

Duna fiinu newondi me danŋa fonlanmaane !

Duna likku newondi me danŋa fonne !

Soninkara kallen d'a duwanŋe likki xoté !

Maarenmu jama: Xor'o su na ken faayi de !

Korin do manne ni doome ?

Korin ma ňa !

A do diminan ŋa doome !

Korin do manne ni doome ?

A do yaaxanlon ŋa doome !

Korin ma ňa !

Xa senbé nta kome ya !

Xa feera nta kome da !

Korin ma ňa !

M'a a ga nta Allah falle !

Allah wasé komé danŋa jikké !

Korin ma ňa !

Koriyé , Koriyé , Korin ma ňa !

Koriyé , Koriyé , Korin bure ni !

kori kori * Xa yin deema ti fonne !

Korin bure ni !

Koriyé , Koriyé , Korin ma ňa !

Koriyé , Koriyé , Korin bure ni !

Kori kori * Xa yin deema ti fonne !

Korin bure ni !

I Koriyé , Koriyé , Korin ma ňa

koriyee koriyee * Korin bure ni !

Kori kori * Xa yin deema yi fonne !

Korin bure ni !

* N TONGE FAAYI ! *

Lemunu xa di d'in tonge faayi *

Deeno xa di d'in tonge faayi *

Yaxaru xa di d'in tonge faayi *

Yugu xooro xa di d'in tonge faayi *

I lemunu xa di d'in tonge faayi *

Soxaano xa di d'in tonge faayi !

I deeno xa di d'in tonge faayi *

Soxaano xa di d'in tonge faayi !

I xirisu xa di d'in tonge faayi *

Soxaano xa di d'in tonge faayi *

yilli soxaano xa di d'in tonge faayi *

Kotolli soxaano xa di d'in tonge faayi *

Tiga soxaano xa di d'in tonge faayi *

Maaru soxano xa di d'in tonge faayi *

I Lemunu xa di d'in tonge faayi *

Soxaano xa di d'in tonge faayi !

I deeno xa di d'in tonge faayi *

Soxaano xa di d'in tonge faayi !

Jamaane nta du; Soxaanon ga nta non ŋa !

Jamaane nta du; Soxaanon ga nta non ŋa !

Debe su nta du; Soxaanon ga nta non ŋa !

Debe su nta du; Soxaanon ga nta non ŋa !

Soxaanon falle; Jamaane nti telle kaane !

Soxaanon falle; Jamaane nti telle kaane !

Soxaanon falle; deben la nta telle kaane !

Soxaanon falle; deben la nta telle kaane !

Soxaanon falle; ji me ñi minni nan yige !

Soxaanon falle; ji me ñi minni nan yige !

I deeno xa di d'in tonge faayi *

Soxaano xa di d'in tonge faayi!

I lemunu xa di d'in tonge faayi *

Soxaano xa di d'in tonge faayi !

I yaxaru xa di d'in tonge faayi *

Soxaano xa di d'in tonge faayi !

Lemunu xa di d'in tonge faayi*

Xirisuu xa di d'in tonge faayi *

Deenoo xa di d'in tonge faayi *

Yaxaruu xa di d'in tonge faayi *

Yillin soxaanon xa di d'in tonge faayi *

Tiigan soxaanon xa di d'in tonge faayi *

kotollin soxaanon xa di d'in tonge faayi *

Maarun soxaanon x di d'in tonge faayi *

I deeno xa di d'in tonge faayi *

Soxaanon xa di d'in tonge faayi !

I lemunu xa di d'in tonge faayi *

Soxaanon xa di d'in tonge faayi !

I yaxaruu xa di d'in tonge faayi*

Soxaanon xa di d'in tonge faayi !

Jamaane nta duu; Soxaanon ga nta non ŋa !

Jamaane nta duu; Soxaanon ga nta non ŋa !

Debe su nta duu; Soxaanon ga nta non ŋa !

Debe su nta duu; Soxaanon ga nta non ŋa !

Soxaanon falle; Jamaane nti telle kaane !

Soxaanon falle; deben la nta telle kaane !

Soxaanon falle; ji me ñi minni nan yige !

Soxaanon xa di d'in tonge faayi !

Soxaanon su su suusu nan nawaari *

Julaaxun liŋon soxaanon ñan soxo !

Soxaanon xa di d'in tonge faayi !

Tubaabun golle; soxaanon ñan soxo !

Jaban xare; Jiban xare !!!

Soxaanon xa di d'in tonge faayi !

Jaban xare; Jiban xaree !

Tippan xolle a do saade !

Soxaanon xa di d'in tonge faayi !

N n'a sanpa n n'a doppa !

Soxaanon xa di d'in tonge faayi !

Ñecci jura ado yilli funse !

Jaban xare jiban xaree !

Soxaanon xa di d'in tonge faayi !

Jaban xare diban xaree !

Tippan xolle ado saafee!

Soxaanon xa di d'in tonge faayi !

Tippan xolle a do saade !

'' Ganni soron ňan di kiiden xitti ''

'' Daaru soron yan di fan sagara ''

'' kun ňan kafi, i ga di jaajen katu ''

'' I yan kafi na deren xaa koti ''

'' Ke kiye - kiye * Saasa duna - duna siro ''

'' Ke kiye - kiye siro * Saasa duna, duna liŋo ''

'' Kiidixitton daga kiidi xitti ''

'' Faa segeron daga faa segere ''

'' Kiidi xitton kun ma kiide kita ''

'' Faa segeron xa ma faani kita ''

'' Anke t'an ta yillen ŋa, ma maaro ''

'' Ke t'in ta sonbin ŋa, ma kafi ji ''

'' Ke kiye kiye ... Saasa duna duna siro ''

'' Ke kiye kiye siro ... Saasa duna duna liŋo ''

'' Xanaliŋu filli ya n'i maxa ''

'' Menjanliŋun sikki ya n'i maxa ''

'' Baanen toxo sarafate derrimulle '

'' Baanen toxo xaaren jimullu ''

'' In daa yige sarafaten derrinmulle ''

'' I naa mini xaaren jimullu ''

'' Ke kiye kiye ... Saasa duna duna siro ''

'' Ke kiye, kiye siro ... Saasa duna duna liŋo ''

'' Xanaliŋu filli ya n'i maxa ''

'' Menjanliŋun sikki ya n'i maxa ''

'' Baanen toxo sarafate derrimulle '

'' Baanen toxo xaaren jimullu ''

'' In daa yige sarafaten derrimulle ''

'' I naa mini xaaren jimullu ''

'' Ke kiye kiye siro ... Saasa duna duna siro ''

'' Ke kiye kiye siro ... Saasa duna duna liŋo ''

'' Ke kiye kiye siro ... Saasa duna duna liŋo ''

'' ke kiye kiye siro ... Saasa duna duna liŋo ''

'' Ke kiye kiye siro ... Saasa duna duna liŋo ''

'' ke kiye kiye siro ... Saasa duna duna siro ''

'' Ke kiye kiye siro ... Saasa duna duna liŋo ''

xaranmoxo nawaari ti ; an duuruxoteye be an ga ňaana xanne ke danŋa

N ŋ'an mulla jonko nta yi dee!

N ŋ'an mulla jonko nta yi dee!

Xeniye ni toŋun ña * Xeniyee!

Yaxalenmon filli xeniyee ni toŋun ña !

N ŋ'an mulla jonko nta yi dee!

Xeniye ni toŋun ña * Xeniyee!

Xanaliŋu filli xeniye na toŋun ña!

N ŋ'an mulla gaare nta yi dee!

Xeniye ni toŋun ña * Xeniyee!

Menjanliŋu filli xeniye na toŋun ña !

N ŋ'an mulla jonko nta yi dee!

N ŋ'an mulla jonko nta yi dee!

N ŋ'an mulla jonko nta yi dee!

N ŋ'an mulla jonko nta yi dee!

N d'an xanu de faare nta yi dee !

N ŋ'an mulla jonko nta yi dee!

Seerin ŋ'an mulla jonko nta yi dee!

N ŋ'an mulla jonko nta yi dee!

N xana nd'an xanu faare nta yi dee!

N ŋ'an mulla jonko nta yi dee!

N faayi terene n ga sinmene!

N ŋ'an mulla jonko nta yi dee!

N faayi saqa n ga xawulene !

N ŋ'an mulla jonko nta yi dee!

N faayi taaxunu n ga kunpana !

N ŋ'an mulla jonko nta yi dee!

N faayi sikki n ga miirene !

N ŋ'an mulla jonko nta yi dee!

N ŋ'an mulla jonko nta yi dee!

N d'an xenu de faare nta yi dee!

N ŋ'an mulla jonko nta yi de!

Seeri nd'an xenu de; Jonko ta yi dee !

N ŋ'an mulla jonko nta yi dee !

N faayi yigene n ga sinmene !

N ŋ'an mulla jonko nta yi dee!

N faayi saqa n ga xawulene !

N ŋ'an mulla jonko nta yi dee!

Eee! N faayi terene n ga miirene !

N ŋ'an mulla jonko nta yi dee!

N ŋ'an mulla jonko nta yi dee!

N faayi taaxunu n ga kunpanna !

N ŋ'an mulla jonko nta yi dee!

Xeniye ni toŋun ña * Xeniyee!

Ñaxalenmo filli xeniye na toŋun ña !

N ŋ'an mulla jonko nta yi dee!

Xeniye ni toŋun ña * Xeniyee!

Xanaliŋu filli xeniye na toŋun ña!

N ŋ'an mulla jonko nta yi dee!

Xeniye ni toŋun ña * Xeniyee!

Menjanliŋu filli xeniye na toŋun ña !

N ŋ'an mulla jonko nta yi dee!

N ŋ'an mulla jonko nta yi dee!

N ŋ'an mulla jonko nta yi dee!

N d'an xanu de faare nta yi dee!

Seeri nd'an xenu de; Jonko ta yi dee!

N ŋ'an mulla jonko nta yi dee!

N xana nd'an xanu faare nta yi dee!

N faayi terene n ga sinmene !

N ŋ'an mulla jonko nta yi dee!

Eee! N faayi sikki n ga xawulene !

N faayi taaxunu n ga kunpanna !

N ŋ'an mulla jonko nta yi dee!

Eee! N faayi sikki n ga miirene !

N d'an xenu de jonko nta yi dee!

N ŋ'an mulla jonko nta yi dee!

N ŋ'an mulla faare nta nta yi dee!

Seeri nd'an xenu de; Jonko ta yi dee!

N ŋ'an mulla faare nta nta yi dee!

N xana nd'an xanu faare nta yi dee![/I]

Duna su d'i xannen toxo!

Sexiraaxun xannen toxo!

Duna su d'i sereti toxo !

Sexiraaxun sereti toxo !

I d'a toxo Maali soron danŋa!

I gedi foofo ko m'i gedi ken dabari!

Iyee! Lemunu xor'o nan giri *

Malin lemunu xor'o nan giri *

I deeno xor'o nan sigi keeta !

Malin deenon xoro nan sigi *

Jamaane nd'i fankkan kini !

Malin ñan d'i moccen kini !

Debun su n'i kittun kini me yi de *

Xor'o su na wooten dabari doome !

Sexiraaxun wooten dabari doome !

Sexiraaxu nan l'o naxa !

Maarenmaaxun nan l'o naxa!

Sunpun do xati nan l'o naxa !

Sagallun ŋa i naa r'o nafa !

Fon bagandun ŋa i naa r'o nafa !

Kaahitin gollen ken xaa na woo !

Manin ken ñaana ? Haqille siren ñaani!

Ñexon su d'i saaten toxo !

Ñexon su d'i darajan toxo !

I d'a toxo

Deenan lenme d'i darajan ga ji noxo !

Jaman legere saasa duna !

Dunan legere saasa soro !

Jaman legere saasa duna !

Duna legere saasa jama !

kiyen ñan li; xor'o n'a ñaxa !

Hooraaxun ŋa; xor'o n'a ñaxa !

Kiyen yan li; xor'o n'a ñaxa !

Demukarasi ŋa; xor'o n'a ñaxa !

Xabiilanun su na me xanu !

I sefexannun na me doro !

Yexun nan l'o do me naxan ŋa !

Danqanaaxu nan l'o me naxa !

O renmu na xannun xara !

Xaran xannun; xannun xara !

Sefe xannun; xannun xara !

Xaranŋen da Maalin deni kaane !

Demukarasi nda Maalin wutu kanmu !

Manin ken ñaana ? Haqille siren ñaani!

Ñoxon su d'i saaten toxo !

Ñoxon su d'i darajan toxo !

I d'a toxo

Deenan lenme d'i darajan ga ji noxo !

Xa su n'a tu gannin daga !

I seri baane; an n'a t'an sagon nan ña !!!

Xa su n'a tu gannin ñeme keeta !

I seri baane; an n'a t'an sago nan ña !!!

O su n'a tu gannin daga !

Gannin mere kitte; gannin ñeme !

Gannin gollinñankitte; gannin ñeme !

Xor'o su na yitten looli saasa !

Xor'o su na teenin soxo saasa !

Xor'o su na killun sirondi !

Yinme la nta siini a bada yingumen palle !!!

Ñoxon su d'i saaten toxo !

Ñoxon su d'i darajan toxo !

I d'a toxo

Deenan lenme d'i darajan ga ji noxo !

Ñoxon su d'i saaten toxo !

Ñoxon su d'i darajan toxo !

I d'a toxo

Deenan lenme d'i darajan ga ji noxo !

Boliňaame * Boli yo ňaame *

Jaaninkoronba siise *

Boliňaame * Boli yo ňaame *

Jaaninkoronba siise *

I jaaxa jaaxa; Jamaane ni maagun ňaa maxa !

Sooninkara jamaane a su ni mangun ňaa maxa !

I gelli gannin kiye; a su ni mangun ňaa maxa !

Jaaninkoronba siise *

Boliňaame * Boli yo ňaame *

Jaaninkoronba siise *

Boliňaame * Boli yo ňaame *

Jaaninkoronba siise *

I sefe ga naa ri jamaane ŋa; mangun naa giri !

Laada ga naa bono debun noxon ŋa; mangun naa giri !

Xa fiini w'o maxa jamaane ke; xa su da ken mugu !

Toxoni w'o maxa debe noxon a; xa su da ken wori !

Sere be nda kara; O n duwa o n maxa me kaanin kara !

Jaanin koronba siise !

Sere be nda kara; O n duwa o n maxa me kaanin kara !

Jaaninkoronba siise *

Xor'o na me yexi; O n maxa me jikken xoso !

O na ňaxan deberi; O n maxa me kaanin kara !

Jaaninkoronba siise *

Boliňaame * Boli yo ňaame *

Jaaninkoronba siise *

Eeeh! N maarenmu jama !

Eeeh! N maarenmu soro !

Xa kun m'a mugu sooninkon fiinun xoto jamaane noxon ŋa !

Xa kun m'a wori sooninkon laadanin xoto debun noxon ŋa !

Jamaane su ga du soron ŋa non ŋa jamaane digaamen g'i maxa !

Ma debe su ga du; soron ŋa non ŋa deben sefen g'i maxa !

Jamangume nd'a giri fo tana wa taaxunu !

Jaaninkoronba siise !

Debigume nda giri fo tana wa taaxunu !

Jaaninkoronba siise !

Kaagume nda giri fo tana wa taaxunu !

Jaaninkoronba siise *

Debigumu fanon kara; i d'i kiyen dabari !

Jaaninkoronba siise *

Mangi xooron kara; sunpu do xati yaa !

Jaaninkoronba siise *

I jaari xooron kara; x'i ma du lesamandi !

Jaaninkoronba siise *

Boliňaame * Boli yo ňaame *

Jaaninkoronba siise *

Boliňaame * Boli yo ňaame *

Jaaninkoronba siise *

Boliňaame * Boli yo ňaame *

Jaaninkoronba siise *

I Boliňaame * Boli yo ňaame *

Jaaninkoronba siise *

Boliňaame * Boli yo ňaame *

Jaaninkoronba siise *

Boliňaame * Boli yo ňaame *

Jaaninkoronba siise *

Boliňaame * Boli yo ňaame *

Jaanin koronba siise *

Xaranmoxo, nawari.
Ke golle gemu moxo siri !!!