O giri suumi xason sallen ya.
A ri nan dangi jamu do xeeri o wa alla do i faare sennen maamana ken kamma.

xa ke bire waaga;
Na waaga do i saanen koyi o yi
Na a koyi oyi, gan ta o finin xenpendi a yi
Na sunkeyen dallandi
Na o nya kaaranko
Na o suumun do o sadaxanun laga
Na o batuyun laga
A ga na nya kame ta, o gan na a salli do me
Leminu ya ni o ya, hari na o xirisinnaaxu
Na arisaxan laqqun wuni
Na barike ro o kite fonu
Na saha ro o suufu
Na i be su sagon taqqa a yi
I be ga ma yaxi, na kappanlen siren taqqan wa
I be ga yaxi, na a nya yaxu wulli linyinte
I be ga gunne, na an do kaaranko siru koyi me,
Na daga taanun nya yille taanu
Na yonki saha nya watunton da
Na kara furun neema
Hari na o kafo ke dallandi, o ga jiidi, o ga ma naqqassi
Na soninkaaxu wurigi
Na soninkara deni kaane,
Na silamaaxun jiidi
O muurifon ga ni Allijanna kallanwunte, Alla gan na a nya o da taqqe, o do musulimon su kafumanto

N yanpa xa maxa, xa xa su na an yanpin maxa,
Gellin digaamen ga demu i be tooxini a kaman nan yanpin maxa.

Wa salaamu aleykoum wa rahmatoullahi