Lenki ke koota ndo fo be gari katta xayi marenmu a na katta soro ku beni ga huuru ku wutu kudo i ga rono oropi noxa ŋa na bogu ti españi jamane.

Lenki ke koota i gemu huru yogo tanjike do sero sikki hadamarenme ga ña noxondi. Ken gemme i da yaxare bane ñi a kara do yunmi tami do naxato xa ka xenu jii ke noxo i ma katto gemi ya. Nku xa bono. tanpile de sikko hadamarenme ya kissi.

Massala noxo i ti yinmu tami do karago hadamarenme bono kille ke i ga di fitta jii ke noxo Kallano ku noxondi yunmi kabi hadamarenme ni lemnan buccunu ña na wutu xasu tanmi do fillo katta sino naxati.

Ku beni xa ga kissi i tanpi moxosiri.

Ke xibare da Españi jamane xirise be toxo gani Jose Luis Rodriguez Zapatero mama moxosiri fone ga fetti bawoni a ti ke fi ni fo haxille sire su ga nta munda. A da oropi jamanu xiri kudo i na tu ti ma i da afiriki jamanu deema mi wa fo bakka xoto ke be ga no ; ma i yimme oropi jamanu na ro xoto xoto noxondi.

A do jamanu ku be fo gi maxa, na wutu jamanu ku be nu ga Je-witi (G-8) noxo na tuyi ti ke fi ni i ya kanma. I na Afiriki dema a ga sikki do i na fo dabari kudo xota ke be ga duna a ga katta yigande ŋa mi wa fo baka ken ŋa. Bawoni i yinme xeeri na ke ña noxo.