Asalam,
N maarenmu xa xantanden dangiyen falle , n ga da xibaaru be kita lenki Faranci jamaane ke noxo , a ga katta Kayitinbalaaxu:
A wa a su tuwaaxun di ti kayitin fin nan xoto Faranci jamaane ke do Oroopu jaman kuttu ku xa.
Lenki koota ke wa genme dingira yogo da bita tanpillandi , i jaman wa genme 4600 sere , a su xa gollini ya. A gebe gilli ti Afiriki dappu ku ya.
CGT digaamun da , a ti i ga da dingiro be raga nan buttun taaxu no , a wa genme tankarage dingira Pari mara ke noxo.Koota su soro kurunbo yan kafiini jama ke.
Eriki Beso a ga ni kandan yinmanke ke be ga sikki do saafaraanon batte nan fatanta sarti kurunba safana katta ku kayitinbali gumu be ni ga gollini gelli siine gabo.
Ganni yugu ku yan gaba buttun taaxunu , xa lenki koota ke yaxarun xa ma toxi falle. Baane su ga na salli an na ALLA Tunka ke gangu ma A wa kayitin fin nowondini o do misilimen su kafumante.