MADI KAAMAN MUSUNDO SIINE: 2007- 2008
Migration clandestine, Migration clandestine ! Migration clandestine ?
A wure ni Bitadunsaafariye!

Gelli sarikuusi ga ti:
Migration choisi : Saafarunsugande!

O xa ti :
Bitadunsaafariye : Migration clandestine.

Ku teyinnu filli naxa, me bonondinden do du bonondinden da saŋan kita yonkinin kanma, ken saabu da, Madi kaama musundo, R.Reg.K, R.Rur.K, SIL, Sooninkara seri siri xooro, Sooninkon maarindaanon kafon gaa Misira, i ti : O na me ku kiilu do haqile, m’o na kis’o yinmenu yi.

Tirindindun wa katta haqilanto jaman ŋa ti :

A 1- Migration choisi xa ni manne ? (Saafarunsugande)
2- Mannen ri t’a yi?
3- Jaara w’a yi ba? A jaaran ni manne?
4- A jaaran ni ko xa maxa?

B 1- Bitadunsaafariyen xa ni manne ? (Migration clandestine)
2- Bitedunsaafaraanon dagafeeron d’i dagakillun ni manne do manne? A do minne do minne xa yi?
3- Yonki jemu d’a xeeri ken w’o danŋan’a yi ba?
Selli kun gaa nt’o danŋan’a ya,
4- Yanganxata be do toora be gaa yonkinin danŋan’a yi kon’o da, ken ga ɲa mugu ya yi, ma woritiyaaxe ya ga ni.
5- Yaala wo, anken wa jaara tuŋ’a yi ba? A jaaran ni manne?
A jaaran ni kooni xa maxa?
Aken yinme xa n’o tinmandi ti ke b’o ga m’an tirind’a yi, an ga’a tu.

Waalen wutti xanne :
Waalen nuxudufi : sefetan jaaten nan maxa konto wujjuunu filli do kamo segi (2800) sefeta yi, a n maxa fuŋo wujjuunu sikki (3000) sefeta xa yi.
Sere baane su yinme ya n roono t’i toxon ŋa ( soro filli nta kappa)
Sere xa n maxa fo safanta xase wutu na ken xayi riini (a nt’a yi )
Koroosindaanon nta xanne tana su bisimillana waale ke yi, sooninkanxannen ga fe, ( a safanten d’a sefenten su).
Yaxaru beeni ra gaa nta safandini sooninkanxannen ŋa ra wa sefene kaaseetin ŋa.




Laaliŋondu :

Yirigi kuŋa, yilleyun ro gollun ŋa fonne : xaalisi be haqen ga ŋanniye sooninkara koota xoore ke da, Alla ga na ken ŋanniye tinmandi, sere fana be nda jaabindu ku waalen wutu, tanjikke wujjuune, seri filla, tanpille do wujjuunu karagi, seri sikkandi, tanpille, seri naxata, tanmu do karago, seri karagandi, wujjuunu tanmi gode.
Legaanon do suugaano :
Turuppu be nda sooninkaaxun waalen wutu, tankararege wujjuune, fillandi, tannaxate wujjuune, sikkandi, tanjikke. Naxatandi, tanpille wujjuune. Karagandi, wujjuunu tanmi.
Ken dangi falle, worokeeni beenu gaa riini, i fana, kame do tannaxate wujjuune. I fillandi, kame. I sikkandi, tandume. I naxatandi, tankarage wujjuune.
Siimaxallemo :
Ku su falle, i ti siimaxallenmon be gaa fiinun kaane, tankabe wujjuune, ken w’i da ŋanniye ke noxo.
Koroosindu :
Ganta, xa maxa faareti : koroosidun w’a wuttu gelli yiraamun do yiran rondimoxo, a do legaanon taanun d’i kittun wutiimoxonun d’i yanqa moxonun ŋa, ken do legaanon diinadunkareyen d’i soyikanben ŋa (sooninkaaxun maxanyette) legen waxatin ŋa. Kun ya n’o walla me kaane.
Safandaanon do safaanon n’i kaayitinun d’i kaaseetinun faga n’i riiti saado noowanburunxason fana, siine 2007.

B.P: 192 KAYES MALI