Wuliye mani xa ni ke ŋa xa da ?

[kabu tirera]

Ma renme Kabu daxu n di laga ke wa an ji ke dukku de !!

N maarenme daqun nan maxa an raga .
A sinmeyen ya xoton , in kanma .
1 wulliyen . N maxa yere .
Wulliyen ni : na taaxen naame kooroosi do a danbe , a do na i wurugi . O ga na ti : naame o ti : kittirangollu ...K . D . M .
O ga na ti : danbe o na ti : xanne ...K . D . M .
Ku xa ni fiini ya a yi i ra ga nta wurigi tuwaaxun falle a do sinmeye do golle .
2 wulliyibalaaxu . O ga na ti : wulliyibalaaxu , o na ti : sankuye , o na ti : samuye . Seren ra wa ñi i yaaxu ŋa an na xenxe . Seren ra wa ñaana killixullen kanma an na sanku . Seren ra wa ñaana tonŋu kanma a na samu . Xo : o ga na Jaabi Duwa terinka a suuge be ga ni : boliñaame nan ti : «debigumu fonon kara i da , i kiyen dabari. Magixooron kara sunpu do xatti ya . Jaarixooron xa i ma du lasamandi . «
A da koyi o yi yere nan ti : o ga sooninka laadanu ku beeni yinmen koono . I xenxe o maxa ma o sanku do i ya .
Xo : xaranmoxo Buubu Sanba GANDEEGA xa ga da ro i suugen , a suuge be ga ni : lenki kiye .
Nan ti :
«Lenki renmu , o konti tibaabaaxu , sooninkaaxu da o firi wulliyen ni xeerin ya .
Xa sankuyen ni bonen ya .
Xaalisin ga bange , a da sunpun kuttu .
A da sunpun sanqi do soron ñan moxonu .
Tuwaaxu feti xeye xa ALLA kuyi fon ya ni . «
A da koyi nan ti : o ga sinma na ti : xaalisin ya a na fo fo kaane !
A ya xo ken ni fo ya sankuntaaxu ga ni .
3 Fon be ga katta o do xilli kuttu naxa i ga ti : ni sooninkon ma wundi .
Xo : Mannikanu ga ti : sooninkaaxu ni watten ya yi .
Kaara yogo i digaame ke wa sahana .
Fiini dantato : o sooninko o yan gaba na me xiri kiite ŋa .
Na yillen kiite kittu ti xaalisin ŋa !

Oku yaani xadi o na o koren ri ti , debi xooron ŋa .o na xaalisi xooren yige moxo koyi i ya .
Oku yaani xadi O ga da bireyen xottondi o debun ŋa .
Oku yaani xadi o ga o debun su sella na toxo yuguxason do yaxarinxason baane .
Oku yaani xadi o ga na taaxu debixooren ŋa o na mungu do o xanne ŋa . Xa in ma ti : a su de , xa o fo gebe !
Xa Kaara yogo , o ra wa ti , xa o ro gunbano fi ya noxon ŋa , i bakken xotten ga ni .
Ken ga ni forosen ta mareye ( kolonijasiyo )
baawo , o maxa sere be ga da faransen xara ken kaman ña yaaxen wuñinden ni .
A do na diina faamu a yaaxe buren kanma .
Baawo o maxa sere be ga da araben xara ken kanma ya do ALLA tinten ni . Na ku sinmayu toxo o yinkollon ŋa . O telle kaane kan
bire ?
Ma kan bere xaani o xa ga o yinmenu ragana soro ya ?
Na Afiriki toxo ko sinmayu noxo ŋa , o te telle kaane . An xooro sooninke baane tanŋa .
Baawa ke sinmayi baane ya na o xa maxa katta xantananu ya o maxa o yaani kaane !