Nmaarenme an xanne nsafa.
Sooninke renme an xanne nsafa.
Wagadu renme an xanne nsafa.
An ke danbi sire na nmaxa sanku
Kuudo komaaxu kacce na kutti bakka an xanne.
Sooninke renme, sefe su saage sefene abada nkitaabu nya noxo.
I ga nyaana wagadu jiidanda yi.
Dunwere yi a ga tenwini katta kiyi nwa, a xura nga sanqini duna kanpo naxati yi.
In maaren sooninke, an be ga tini nti.nti, dangiye npalle, an na an xanne nsafa.
Gelli an ga mulla komaaxu kacce na kuti bakka an xanne nwa
FANXE DA NXANNE NWA
Baaba an ga katta woloxini jama su yi.
An ga katta du woloxini wandi xille su.maxa mungu,na ti xanne keebe an ga da sugu.
Xanne ke wurugiye nwajibinten na an nya kanma.
Tuguti ke renme be an lenme gani, an ni xanne ke tuwaaxu nkitta an nya maxa.
Na a wuttu gelli an ka, ma an masalan noquni.
I na tu ya, na nti an ke ni sooninke nya.
Sooninke gada an saara,an gada sooninke saara ken xa ga sooninke sararna ma duna gan giri.
SERE SU NA KU DIGAAMU MEENI MUURU AN NI I KO.
MAAMANDE DO TIIGANDE NWA KATTA SOONINKA LENME SU.HARI NO O DO SAHAABA GEMUNDI.
NA SOONINKAAXU DENI KAANE.
WASALAMU
Article soumis par Demba SOUMARE
