Suno binne wurunwuro
D'o sondon liixinton deleba
A warallaqu fakkon da fere dunbu teyen ficca
A wuran tirilintirilo
Tooxe
D'o fete su xumaari
No'o sinmeyu su dillandi
Ti tooxe
Yebo, o da an xennen mugu
Yaaxanjiinin ntax'o yaaxon wa ni'i joxu
Berni, an d'i suura bakka o yaaxon wa
Gelli an ga ti o da:
Yinme xalle n fasunta wandi xalle
SIBA Fatanbinnira gunjeere noxo
SIBA, jarinte mininte gunjeere DANGO
An baramanten xaasa xannen ga da Duna yiila
Biranbe an ga da Fatanxulle dufasonwuntaaxun hayiba
Gelli anke xaasa xanne ga da gunnen raga
Fatanbinnira komon kaccun kuti
Xaranmoxo "AIME CESAIRE"
DU SU KUYA
An Jamaane
DU SU KUYA
An xabiila
An ya toxon ni
Maritinike
An janmun ga ni
Fatanbinnira.
An ga da an tere killen su nya
Telenwoye
Siroye
Tuwaaxu
Wasadu
Sunpu a do xatti ya kanma
An aabadan tuumayen noxo
Selli an senba sennen ganaa saayi
Maritiniki nyinye barakinten noxo
Yelli ken gan nya jabande nooro nyelunbeye yi
Maritiniki do Fatanbinnira funti foonun danwa
Aamiina
Denba Tarawore
Xaayi (Maali)
